नवोदित कलाकारांना मिळाले मोठे व्यासपीठ! सिनेमॅजिक एंटरटेनमेंटची हिंदी वेबसीरिज ‘मुखौटा’ लवकरच प्रेक्षकांच्या भेटीला
सिनेमॅजिक एंटरटेनमेंटच्या हिंदी वेबसीरिज ‘मुखौटा’चे पोस्टर रिलीज झाले. संतोष पांचाळ दिग्दर्शित या सीरिजमध्ये नवोदित कलाकार आहेत. कलाकार आणि टीमची संपूर्ण माहिती वाचा.
मुंबई : नवोदित कलाकारांना अभिनयाची संधी आणि आपली कला सादर करण्यासाठी व्यासपीठ उपलब्ध करून देण्याच्या उद्देशाने सिनेमॅजिक एंटरटेनमेंटची आगामी हिंदी वेबसीरिज ‘मुखौटा’ लवकरच प्रदर्शित होणार आहे. या वेबसीरिजचे पोस्टर नुकतेच प्रदर्शित झाले असून, त्यामुळे प्रेक्षकांमध्ये उत्सुकता निर्माण झाली आहे.
सिनेमॅजिक एंटरटेनमेंटने आतापर्यंत किमान १० चित्रपटांची निर्मिती केली आहे. या वेबसीरिजची निर्मिती रोहित चौधरी, सना खान आणि जुनैद सिद्दीकी यांनी केली असून, कथा आणि दिग्दर्शनाची जबाबदारी संतोष पांचाळ यांनी सांभाळली आहे.
या वेबसीरिजमध्ये विवेक ढाणके आणि निकिता पाटील मुख्य भूमिकेत दिसणार आहेत, तर किरण अकेरकर आणि जैनब खातून यांनी प्रमुख खलनायकांच्या भूमिका साकारल्या आहेत. बालकलाकारांमध्ये भूमी जाधव (मुख्य पात्राची बहीण), अनन्या चोरमळ (मुख्य पात्राचे बालपण) आणि समीक्षा वाघ (खलनायकाचे बालपण) यांचा समावेश आहे. तसेच मुख्य पात्राच्या मित्रमैत्रिणींच्या भूमिकेत कांचन गावस्कर, प्राची कदम आणि रोहिणी सुतार दिसणार आहेत.
